ცეცხლის ნიშნებს განეკუთვნებიან:
ვერძი
ლომი
მშვილდოსანი
ზოგადი ინფორმაცია სტიქიის შესახებ:
ცეცხლის სტიქიის ქვეშ ფეთქებადი, გამორჩეულად ენერგიული და ნოვატორული აზროვნების მქონე ნატურები იბადებიან. თავისუფლებისმოყვარეებსა და ამაყებს, განსაკუთრებული პიროვნული შარმი და მომხიბვლელობა გააჩნით. მათ შორის ბევრი თავისი სფეროს პირველაღმომჩენი და პიონერი გვხვდება, ცეცხლის სტიქიას უამრავი ცნობილი პოლიტიკოსი, მომღერალი, მსახიობი, საზოგადო მოღვაწე განეკუთვნება. სამწუხაროდ უკიდურესობებით აღსავსე ბუნება, ზოგჯერ მათ არა მარტო სამართლიანობისთვის მებრძოლი რევოლუციონერის, არამედ დიქტატორის და სადისტის ხასიათსაც უყალიბებს.
*****
მიწის ნიშნებს განეკუთვნებიან:
კურო
ქალწული
თხის რქა
ზოგადი ინფორმაცია სტიქიის შესახებ:
გაწონასწორებული, სტაბილური და რეალისტი ადამიანების სტიქიაა, ამ სტიქიის წარმომადგენლები მიწაზე მართლაც, რომ ყოველთვის მყარად დგანან. მათ უმრავლესობას, მატერიალური დოვლათის დაგროვებისა და ფულის შოვნის შესაშური ნიჭი გააჩნია. საქვეყნოდ ცნობილი ფინანსისტები, ბიზნესმენები და ბანკირები სწორედ, რომ ამ სტიქით იბადებიან. ანალიტიკური აზროვნების უნარისა და დაკვირვებულობის წყალობით, მათ შორის ბევრი მეცნიერიც გვხვდება. ამას გარდა მიწის სტიქიით დაბადებული ადამიანებისაგან გონიერი, ფრთხილი და წინდახედული პოლიტიკოსები და მმართველებიც გამოდიან.
******
ჰაერის ნიშნებს განეკუთვნებიან:
ტყუპები
სასწორი
მერწყული
ზოგადი ინფორმაცია სტიქიის შესახებ:
კომუნიკაბელური, გამჭრიახი გონებით დაჯილდოებული, კონტაქტური, მრავალმხრივი ნიჭის მქონე ადამიანები. ისინი ყველგან არიან სადაც ლაპარაკი, მსჯელობა, კამათია საჭირო. ქმედითი და მოუსვენარი ნატურები არიან. თუმცა მერყევები და რამდენადმე არსტაბილურები. ხშირად იცვლიან ინტერესების სფეროს, მისწრაფებებსა და იდეალებს. უყურებენ ყველაფერს გამომგონებლის თვალით და ცდილობენ ნებისმიერ სფეროში, ნოვატორული იდეები დანერგონ. მათ შორის ბევრი ლიტერატორი, შოუმენი, დიპლომატი, ორატორი და პილიტიკური მოღვაწე გვხვდება.
*****
წყალის ნიშნებს განეკუთვნებიან:
კირჩხიბი
ღრიანკალი
თევზები
ზოგადი ინფორმაცია სტიქიის შესახებ:
ემოციური, ძალზე მგრძნობიარე ნატურები. აქვთ საოცრად განვითარებული ინტუიცია, ადამიანთა გამჭოლ ხედვის და გარდასახვის შესანიშნავი უნარი. მათ შორი ბევრი ფსიქოლოგი, მედიუმი, ასტროლოგი, პარაფსიქოლოგი გვხვდება. ისინი კარგად ეწყობიან ასევე ხელოვნების სხვადასხავა სფეროებს: თეატრს, კინოხელოვნებას, მხატვრობას, მუსიკას და ა.შ არიან ფრთხილები და დაკვირვებულები. შეუძლიათ იყონ კარგი ფინანსისტები, მხედართმთავრები, ღვთისმსახურები. ამ სტიქიის ადამიანებში, მათი კაცთმოყვარე ბუნებიდან გამომდინარე, ბევრი ქველმოქმედი და მეცენატიც გვხვდება.
