» » ტვინის ტალღების სიხშირეების თეორია
ეზოთერიკა / ჟურნალი ასტრო-news

ტვინის ტალღების სიხშირეების თეორია

ტვინის ტალღების სიხშირეების თეორიაარსებობს ტვინის ხუთი ძირითადი ტალღა: ბეტა, ალფა, ტეტა, დელტა და გამა. ისინი მუდმივ მოძრაობაში არიან. ყველაფერი, რასაც ვაკეთებთ, არეგულირებს ტვინის ტალღების სიხშირეს. მაგალითად, როცა ვინმეს ვესაუბრებით, გონება იმყოფება ბეტა მდგომარეობაში. ბეტა ტალღების სიხშირე წამში 14-28 ციკლს უტოლდება. ანუ, როდესაც ვმოქმედებთ, ვართ აქტიურნი - ეს ბეტა მდგომარეობაა.
ალფა მდგომარეობაში ტვინის ტალღების მოძრაობის ციკლი 7-14 წამის დიაპაზონში მერყეობს. ალფა სიხშირე დგება ღრმა მედიტაციისას. ალფა ეს არის ხიდი ბეტასა და ტეტას შორის. ალფა ტალღები იღვიძებს ოცნებისას. ის გამოხატავს გონების მშვიდ მდგომარეობას. შესაძლებელია გაქრეს ტკივილიც, ამიტომ ალფა სიხშირე დიდ მნიშვნელობას იძენს მკურნალობის დროს.
ტეტა ღრმა მოდუნების მდგომარეობაა, რაც ჰიპნოზის და ძილის დროს დგება. ტვინის ტალღები ნელდება და წამში 4-7 ციკლს აღწევს. როდესაც ადამიანი მედიტირებს, ტეტა სიფხიზლის დაუკარგავად დგება. ამით განსხვავდება ის ალფა მდგომარეობისგან. ტეტა ტალღებით შესაძლებელია ქვეცნობიერში შეღწევა. ის განსაზღვრავს ჩვენი ცნობიერების იმ ნაწილს, რაც ცნობიერსა და ქვეცნობიერს შორის იმყოფება. იქ ინახება ჩვენი შეგრძნებები და მოგონებები.
ამ სიხშირეზე ტვინის მუშაობის დროს შესაძლებელია შევცვალოთ ჩვენი შეხედულებები და ჩავტვირთოთ გარკვეული შეგრძნებები. ის აჩენს მხატვრულ შთაგონებასაც. ტეტა შეიძლება შევადაროთ ტრანსის ისეთ მდგომარეობას, რა დროსაც ადამიანს შეუძლია ნაკვერჩხალზე ფეხშიშველი გაიაროს და არ დაიწვას.
ტეტას ადამიანის ცნობიერება მაღალ დონეზე აჰყავს. ეს არის იდუმალი, განსაკუთრებული მდგომარეობა. მეცნიერებს დიდი ხნის განმავლობაში არ შეეძლოთ ის გამოეკვლიათ, რადგან ჩვეულებრივ, ადამიანი მას დიდი ხნით ვერ შეინარჩუნებს ისე, რომ ძილში არ გადავიდეს.
დელტა ტალღები აქტიურდება ღრმა ძილში. მისი ტალღების სიხშირე წამში 0-4 ციკლს შეადგენს. ამ დროს იღვიძებს ინტუიცია. მაგალითად, ტელეფონი რეკს და თქვენ უკვე იცით თუ ვინ შეიძლება იყოს. ანუ, ეს არის სიხშირე, რა დროსაც ვლინდება ექსტრასენსორული შესაძლებლობები.
გამა ტალღები გამომუშავდება, როდესაც სწავლის და ინფორმაციის გადამუშავების პროცესში ვიმყოფებით. ამ მდგომარეობაში ტვინის ვიბრაცია წამში 40-დან 5000-მდე ადის.

მოამზადა ლაშა თოფურიამ
скачать dle 11.3

ასევე გირჩევთ

მსგავსი სიახლეები

გიორგი გურჯიევის ფილოსოფია და მისი ანალიზი - თვითმახსოვრობა (ნაწ. 3)

...

2017 წლის თებერვლის ასტრო-პროგნოზი გადაცემაში 3-დან 5-მდე

მაგიური პროგრამები, მათი სიმპტომატიკა, წარმომავლობა და გამოსავალი

რატომ არის რეკომენდირებული სექსუალური კავშირებისგან თავის შეკავება